Bakit kasi Ganun?

Nakaasar na ganyan yung way of thinking ng ibang tao.

Hindi ba pwedeng binlock ko siya kasi ayoko na ng kinukulit niya ko na makipagbalikan, kasi alam ko naman na hindi talaga sincere ung pangungulit niya na yun. I mean nagantay ako ng 1 year para sa explanation kung bakit siya biglang nagkaganun or nagbago pero wala eh, kundi ko pa sasabihin na “this time seryoso na ko sa break up kasi ayaw ko na talaga”,tsaka siya magmamakaawa ng sobra or papansinin mga sinasabi ko.

Nagmakaawa rin ako ng isang taon na wag niya ng gawin ung mga yun ah pero ilang beses ko pa din siyang nahuli tas sasabihin niya hindi niya kilala eh puro babaeng nagchachat na puro sa text lang daw nila nakilala ung ex ko at biruin mo in-add niya ung girl na sabi niyang nagkakagusto sa kanya at siya pa talagang naunang nangchat at para hindi mahuli, idedelete niya. Sasabihin bat ko pinapakaelaman facebook niya. Yan ba gawain ng taong gustong magstay ung jowa niya, iadd at lumandi din sa lumalandi sa kanya. Nung time na kwinekwento pa lang niya ung about dun sa girl sinabi ko naman na nakakaselos kasi alam kong magkalapit sila at nilalandi landi pa daw siya ang kwento niya (di naman talaga akong selosa talaga pero ung makarinig ka ng ganun, hindi ba at magpipintig din tenga mo) kaya para di na din siguro ako magduda nagimbento na lang siya ng kasinungalingan at sinabi niyang “di ko siya type, ikaw lang ang para sa akin” at dahil ako'y tanga naniwala naman at pinaabot pa ng isang taon ang panloloko niya.

So ayun na nga di ko alam kung magegets ba yung point ko dito pero para sa akin kasi okay lang naman na iblock mo yung ex mo kasi di naman nila deserve na magexist sa buhay mo kung sasaktan ka lang niya lalo na’t kung paulit ulit pa. Wag mo ng balikan kung alam mo naman kasing uulit pa.

For me some people doesn’t deserve a second chance. Pero kailangan mo pa rin silang patawarin kasi nga para mawala din ung galit sa puso mo at makamove on.

It’s okay to block your ex!

Para sayo din naman gagawin mo eh, wag mong isipin ung sinasabi nilang ikaw talo. Lalo na at alam mong baka balikan mo pa. Naku wag na di ka niya deserve and may dadating naman na deserving talaga. Isa pa di naman nila ex ung ex mo para diktahan ka kung ano talaga hng dapat mong gawin

The Rebound

Alam mo yung nagtataka ako kung bakit sobrang aga mo naman kasing dumating di ba pwedeng sa mga panahong nakamove na talaga ako. Umamin ka kasi kaagad sa panahong saktong kakabreak lang namin ng Ex ko. Ang sabi mo nun “gusto kita” , “crush kita”. Sana yung crush na durugin na lang eh kaso hindi.

Di ko ba alam kung bakit pakiramdam ko ang sama sama ko kasi alam ko namang hindi pa ako handa pero pumapayag ako sa tuwing sinasabi mong sasamahan mo ko sa kung anong trip ko. Pero sa mga panahong gusto kong maglabas ng sama ng loob at umiyak ay ikaw kasi yung nasa tabi ko. Hindi ko kasi magawang sabihin sa mga kaibigan ko yung tungkol sa Break up namin ng Ex ko kasi ayokong magalit sila sa kanya.

Ikaw ang naging sandalan ko sa mga panahong yun. Pero nagulat ako nung sinabi mo nang Mahal mo na ko. Akala ko nga pinagtitripan mo lang ako kasi baka naawa ka lang sa sitwasyon ko pero ganun ba talagang magalaga ung nantitrip lang? Ganun ba talaga magalala ung nangtitrip lang? Ganun ba? Totoo ba talaga? Kaya’t ang sabi ko na lang sayo pagisipan mo munang mabuti kasi ayaw kitang masaktan at baka magamit lang kita, Kaya ayaw ko ring pumayag na magpaligaw dahil di ko rin sigurado kung masusuklian ko nga ba yung pagmamahal na nararamdaman mo.

Ang sabi mo lang sakin ay handa ka naman sa kung anong magiging desisyon ko at magaantay ka sakin. Pero kung sasabihin ko na ayaw ko sayo dun ka lang titigil.

Napakasimpleng salita “Ayaw ko na sayo” pero di ko magawang masabi. Kasi ba hindi pa ko handa na maging single talaga kaya sayo ko nabubuntong ung mga atensyon na ito. Natatakot lang talaga ako na masaktan ka.

Mas lumalim pa ang pagkakakilala natin sa isa’t isa unti unti mong nalaman ung kwento ng buhay ko at ganun din yung sayo nalaman ko na kailan lang ay nagamit ka din pala ng previous mong minahal, di man naging kayo pero sobra sobra mo siyang minahal ayun nga lang naramdaman mo at sabi mo ay pinaramdam di naman niya na ginamit ka lang, kaya tinigilan mo. Biruin mo binilhan mo pa siya ng sobrang mamahaling regalo na kailangan mo pang bayaran ng ilang buwan kahit alam mong di niya maibabalik ung feelings.

Sa totoo lang natatakot ako na baka pareho lang natin rebound ang isa’t isa na baka kaya nagiging sweet tayo sa isa’t isa ay dahil sa kanya kanya nating pangangailangan lamang.

Di rin naman kita masisi kung ganun.

Nung araw na tinawag mo ko pero ang lumabas sa mga labi mo ay ang espesyal na tawag mo sa kanya ay nagulat talaga ako, tinanong mo ko nun kung galit ako, ang sabi ko naman ay hindi. Hindi naman kasi talaga ako galit kasi una sa lahat wala naman akong karapatan dahil wala namang tayo at di naman kita masisisi. Pero gusto kong sabihin na nasaktan ako nung marinig un sayo.

Sa tuwing sinasabihan mo ko ng “I love you” at “I miss you” di ko talaga magawang di magduda kung totoo ba talaga

Pero gusto kong magpasalamat kasi sobrang laki din ng nagawa mo sakin. At gusto kong magpasalamat kasi dumating ka sa buhay ko.

Gusto ko mang sabihing “I love you too”, ay di ko alam kung yun na nga ba talaga nararamdaman ko sayo. Natatakot kasi talaga ako na masaktan ka at higit sa lahat ay masaktan din akong muli.

iniwang-sawi:

Hulaan ko. Nagmahal ka. Tapos iniwan ka. Ang masakit pa dun simula’t sapul alam mo yung pinasok mo kitang kita mo na sa malayo di mawwork out relasyon niyo. Pero, hala, sige YOLO importante masaya ka sa present. Saka mo na pproblemahin pagnagkanda letse-letse na.

Jameson to Janella (So Connected, 2018)

Nakilala ko ung first love nung college pa ko, kinuha niya yung number ko at binigay ko naman.

Nagumpisa muna kami sa kamustahan, kwento ng kung ano ano kahit wala namang kwenta ung pinaguusapan, go lang.

Akala ko hanggang kaibigan lang kami hanggang sa magtapat siya ng kanyang nararamdaman, pero nun mga panahon na yon may iba pala siyang nililigawan. Sabi ko hindi tama kasi may mas nauna na siyang nililigawan talaga, sabi niya di naman siya seryoso dun sa babae at ako talaga ang gusto niya kaya’t tinapos niya agad agad at di na tinuloy ang panliligaw sa nauna. Nagdadalawang isip talaga ako kung papayag ba ko na manligaw siya dahil baka mangyari sa akin ung nangyari sa nauna niyang nililigawan. Pero ang lupit din ni kupido at tinira pa din niya ako ng palaso.

Pinilit niya talaga ang panliligaw hanggang sa naging kami.

Nagumpisa ung dalawang taon namin ng sweet, tipong di mapaghiwalay at gustong laging magkasma. Araw gabi magkachat, text, at magkausap sa telepono at personal

Hanggang sa dumating ung ikatlong taon nagumpisa siyang manlamig, akala ko nasasakin lang ang problema dahil sa nakakaisip ako ng mga ganun sa kanya pero isang araw nagkaroon ng patunay ang hinala lang dati. May mga babaeng nagchachat sa kanya. Pero nung tinanong ko sa kanya kung sino ang mga babaeng kumakausap sa kanya, ang tanging sinasambit niya lang ay hindi niya kilala, nagumpisa din siyang magtago ng mga bagay bagay katulad na lamang kung saan siya pumunta, sino kasama at ultimo celphone niya na malaya kong nahahawakan dati ay tila nakapadlock na sa kanyang mga kamay kaya’t di ko na mahawakan

Nung una ay binabaliwala ko ung mga duda na yun sa kanya kahit pa alam kong ilang beses ng nagpapahiwatag si tadhana ng mga senyales na siya ay may iba na.

Matapos ang isang taon pa ay di ko ba alam kung anong bagay ang tumama sa ulo ko at tila ba ay natauhan at tuluyan na siyang iniwan

So ayun na nga biglang nagkaroon ng ending yung mahigit 4 na taon na malanobela naming relasyon.

Akala ko din kasi kami na talaga hanggang sa dulo.

Akala ko siya na talaga ung taong makakasama ko forever. Sabi niya kasi kami na forever.

Pero ayun na nga WALA NAMAN KASING “FOREVER”. 😂